வியாழன், ஆகஸ்ட் 31, 2006

Sri Lanka zwischen Krieg und Frieden

Ist der Waffenstillstand noch zu retten?

Eine Informations- und Diskussionsveranstaltung

am 20. September 2006
um 19.00
im EineWeltHaus, München

Schwanthalerstr. 80, U4/5 Theresienwiese

Referenten:


Ranjith Henayaka-Lochbihler
Nadaraja Suseenthiran Straube

Die Friedensgespräche zwischen den Bürgerkriegsparteien waren drei Jahre lang ausgesetzt. Am 22.2.2006 wurden sie am Genfer See vorübergehend wieder aufgenommen. Die Kriegsgefahr in Sri Lanka wird immer größer. Trotz offiziell erklärtem Waffenstillstand gibt es täglich Kämpfe zwischen dem Militär und der LTTE bzw. den paramilitärischen Gruppen. Seit Monaten ist ein „low intensive conflict“ im Gange durch tägliche Anschläge und politische Morde einerseits und „begrenzte“ Bombardierungen tamilischer Gebiete durch das Militär andererseits.
Die beiden Referenten aus Berlin, einer tamilischer, einer singhalesischer Herkunft, berichten über die aktuelle Lage in Sri Lanka und diskutieren Möglichkeiten, den Waffenstillstand zu sichern und wieder ernsthafte Friedensverhandlungen aufzunehmen.

Außerdem berichtet die GEKODEM über ihre Projekte in Sri Lanka und Europa.

மறக்கக்கூடாததும் கண்டிக்க வேண்டியதும்:

வண்ணத்துப் பூச்சிகளையும் குண்டு வைத்துக் கொல்லும் குரூரம்...

12.08.2006ம் திகதி சனிக்கிழமை இரவு 9:30 மணியளவில் அரச சமாதான செயலகத்தின் உதவிப் பணிப்பாளர் கேதீஸ்வரன் லோகநாதன் அவர்கள் கொழும்பு புறநகர்ப்பகுதி தெஹிவளையில் அவரது வீட்டில் வைத்துச் சுட்டுக் கொல்லப்பட்டுவிட்டார். இலங்கையின் கடந்த 30 வருட வரலாற்றில் ஆயுதத் தமிழர் மற்றும் அரசபடைகளால் இதுவரை கொல்லப்பட்ட அறிவார்ந்தோர் பட்டியலில் இவரது பெயரும் இந்தக் கணம்வரை மட்டும் இறுதியாக இருக்கும். எல்லாக் கொலைகளையும் கண்டித்துக் கண்டித்து கண்ட மிச்சம் ஏதுமில்லை. ஆயினும் 'கொல்லாதே" என்று ஓலமிடுவதைத் தவிர வேறெந்த மார்க்கமும் இருப்பதாகவும் தெரியவில்லை.



இருண்டதெல்லாம் பேய்;

சுயசிந்தனை என்பது சீர்குலைவு;

அறிவு என்பது ஆபத்து;

ஒரே தீர்வு கொலை

என்றாகிவிட்ட ஒரு சமூகத்தில் எல்லாவற்றுக்கும் அஞ்சும் சாவுக்குப் பயந்த கோழை மனோவியாதிக் கொலையாளிகள் தலைவர்களாகிவிடும் சமூகத்தில் பிணந்தின்னிக் கோட்பாடுகள்தான் மீதமிருக்கப் போகின்றன. கேதீஸ்வரன் லோகநாதனைச் சுட்டவர்கள் அப்படிச் சுட்டுக் கொன்றிருக்கத் தேவையில்லை. பலமாக ஊதிவிட்டிருந்தால் கீழே விழுந்து விடக் கூடியவர். ஆனால் குரூரங்களையே காட்டிக் காட்டித் தற்கொலைக்கு ஆள் தேடப் பழகிவிட்டவர்களுக்கு வண்ணத்துப்பூச்சியையும் குண்டு வைத்துத்தான் கொல்ல வேண்டும். அப்பொழுதுதான் எங்கும் பரந்த கொலைத் தொடர்புச் சாதனங்கள் அந் நியாயக்குழல் எடுத்து ஊதித் தள்ளலாம்.

உலகவங்கியின் ஆலோசகர் என்று எழுபதுகளின் தொடக்கத்தில் புகழ் பெற்றிருந்த இலங்கை வங்கியின் முன்னாள் மேலாளர் லோகநாதன் அவர்களின் மகனே கேதீஸ்வரன். கேதீஸ் அவர்கள் திம்புவில் நடந்த பேச்சுவார்த்தையின்போது தமிழர்கள் தரப்பில் கலந்து கொண்டவர்களில் ஒருவர். பின்னர் வடகிழக்கு மாகாணசபை அமைக்கப்பட்டபோது நிதியமைச்சராக இருந்தவர். இலங்கை சமூகவிஞ்ஞானிகள் சங்கம் மாற்றுக் கொள்கைகளுக்கான மையம் போன்றவற்றில் இவரது புலமைத்துவ செயற்பாடுகள் அளப்பரியன. இங்கிலாந்தின் சசெக்ஸ் பல்கலைக்கழகத்தில் பயின்ற இவர் சிறுபான்மை இனங்களின் உரிமை தொடர்பாகப் பல சர்வதேசக் கருத்தரங்குகளில் பங்குபற்றியதுடன் பல ஆய்வுக் கட்டுரைகளையும் எழுதியுள்ளார். 1996இல் இவர் எழுதிய "Lost Opportunities" என்ற நூல் மிகக் காத்திரமானதொன்றாகும். இவர் இனப்பிரச்சினை பற்றிய மாதாந்த சஞ்சிகை ஒன்றை ஆங்கிலத்தில் வெளியிட்டதுடன் weekend express என்ற பத்திரிகையின் ஆசிரியராகவும் சிலகாலம் பணியாற்றினார்.

சிங்கள இனவாதம் அரசியல் செல்லப்பிள்ளையாக தென்னிலங்கையில் வளர்கிறது. தோற்பது அரசாயினும் சாவது தமிழ் அல்லது முஸ்லிமாக இருக்கவேண்டும் என்று அது விரும்புகின்றது. எங்கள் கைகளில்தான் தமிழர்கள் சாகவேண்டும் என்று புலிகள் போட்டுக் கொண்டிருக்கிறார்கள். யாரிடமும் எந்தக் கோரிக்கையும் வைப்பதில் நம்பிக்கையில்லை.

மக்களே இனிச் சுயசிந்தனை வேண்டாம்.

அறிவில் இருந்து விலகி ஓடுங்கள்.

வாழவேண்டும் என்ற கனவுகளைப் புதைத்து விடுங்கள்.

பாடையில் விட்டெறியுங்கள்.

நண்பர்கள் வட்டம் பிரான்ஸ்; இலங்கையர் வட்டம்-பெர்லின், ஜெர்மனி; International Network for Srilankan Diaspora, Germany)

13.08.2006

புதன், ஆகஸ்ட் 30, 2006

நல்ல சேதி: கடத்தப்பட்ட குருபரன் விடுதலை!!

நேற்று, 29.06.06 அதிகாலை கடத்தப்பட்ட பத்திரிகையாளர் குருபரன் அவர்கள் இன்று காலையில் விடுதலை செய்யப்பட்டுள்ளார். இது இந்த ஆகஸ்ட்டின் நல்ல சேதி. அவரைக் கடத்தியவர்கள் பற்றிய தகவல்கள் எதுவும் இன்னமும் கிடைக்கவில்லை. இவரது கடத்தலைக் கண்டித்தும், விடுதலை செய்யக் கோரியும் இலங்கையின் சுதந்திர பத்திரிகையாளர் இயக்கம், இலங்கை ஊடகவியலளர் சங்கம், முஸ்ஸிம் ஊடகங்களின் சபை, தென்னாசிய சுதந்திர ஊடக சங்கத்தின் இலங்கைக் கிளை, இன்னும் அனேக சிறு கட்சிகளின் பத்திரிகையாளர்கள், அணிசேராத உதிரிப் பத்திரிகையாளர்கள் என்று அனேகர் கொழும்பு கோட்டைப் புகையிரத முன்றலில் ஆர்ப்பாட்டங்களை நடத்தினர். இலங்கையின் சுதந்திர பத்திரிகையாளர் இயக்கத்தின் தலைவர் சுனந்த தேசப்பிரிய, சர்வதேச பத்திரிகையாளர் சம்மேளனத் தலைவர் கிறிஸ்தோபர் வோறன் போன்றோரின் குருபரன் அவர்களின் விடுதலைக்கான முன்னெடுப்புகளுக்கு நாம் தலைவணங்குகின்றோம்.

செவ்வாய், ஆகஸ்ட் 29, 2006

பத்திரிகையாளர் குருபரன் கடத்திச் செல்லப்பட்டுள்ளார்




இன்னும் எத்தனை பேர்.......
இன்னும் எத்தனை நாள்.........

இன்று 29.08.06, செவ்வாய்க்கிழமை, அதிகாலை 4.30 மணிக்கு நண்பர் நடராசா குருபரன் அவர்கள் கடத்தப்பட்ட சேதி அறிந்து அதிர்சியடைகிறோம். எண்பதுகளில் சரிநிகரில் கடமையாற்றத் தொடங்கிய காலத்தில் இருந்தே குருபரன் புகலிடத்தின் சமுக இயக்கங்களுடன் தொடர்பினைப் பேணி வந்தார்.அரசுக்கும் புலிகளுக்கும் சமாதான பேச்சுவார்த்தைகள் நடைபெற்ற போது அவர் சூரியன் எவ்.எம் வானொலியின் சார்பில் ஐரோப்பிய நாடுகளிற்கு வந்தபோதெல்லாம் இலங்கையின் தற்போதைய அரசியல், சமுக, பொருளாதார நிலவரங்கள் மற்றும் அரசினதும் தென்னிலங்கை இனவாத சக்திகளினதும் திரைமறைவுத் திட்டங்கள் போன்றவற்றையெல்லாம் பற்றிக் கலந்துரையாடினார். இப்போது சூரியன் எவ்.எம் வானொலியின் செய்திப்பிரிவு மேலாளராக இருக்கின்றார். விமர்சனம், மாற்றுக் கருத்துக்கும் மதிப்பளித்தல், கொலைக்கலாசார சமுகத்தின் மத்தியிலும் துணிவுடனும் புத்தி சாதுரியத்துடனும் செயலாற்றக் கூடிய ஒரு பத்திரிகையாளனாக அவர் தன்னை வளர்த்துக்கொண்டிருந்தார். இலங்கையின் வடபகுதியில் இருக்கும் இணுவில் என்ற இடத்தினைச் சேர்ந்த இவர், மிக அண்மையில் காலமான பண்டிதர் நடராசா அவர்களின் மகன் ஆவர். மனைவியுடனும் தனது பெண்குழந்தையுடனும் கொழும்பில் வசித்து வந்த குரு இலங்கைச் செய்திகளை அழகிய தமிழில் அச்சொட்டாகக் கொடுப்பதில் ஒரு தேர்ந்த பயிற்சியினைப் பெற்றிருந்தார். சமீபத்தில் சூரியன் குரு என்றே உலகெங்குமுள்ள பரந்த தமிழ்த் தொடர்பூடகக் கேட்போரால் அறியப்பட்டிருந்தார்.
இவரைக் கடத்தியவர்கள், எந்த நிபந்தனையுடனாயினும் இவரை உயிருடன் விடுவிக்குமாறு இலங்கையில் இருக்கும் அனைவரிடமும் உலக அமைப்புக்கள் கோரவேண்டும். அவர்களுடன் நாமும் இணைந்து கொள்ளவேண்டும். அழுக்கு யுத்தம் (dirty war)நடைபெற்றுக் கொண்டிருக்கும் அந்த நாட்டில் மனித இறைமைகளைப் பற்றி இயந்திரங்களுக்குப் புரியவைக்க முடியுமா என்ன!